रांगोळीच्या माध्यमातून मतदारांची जागृती

बारामती :- बारामती मतदार संघातील सोनवडी सुपे, बारवनगर, मोरगाव, सुपा, लोणी भापकर, विठ्ठलनगर, कऱ्हाटी, कुरणेवाडी, मुर्टी, बालगुडे पट्टा, बऱ्हाणपूर, नेपतवळण, जराडवाडी, वंजारवाडी, जैनकवाडी, डोर्लेवाडी येथील अंगणवाडी केंद्रांवर अंगणवाडी महिला सेविकांनी विविध आकर्षक रांगोळ्या काढून मतदार जागृती केली.

'तुमचे मत तुमचा अधिकार', 'ताई, माई, अक्का मतदानाला चला', 'मतदानाचा हक्क बजावूया', 'मतदान 'करा सहकार्य करा', 'मतदारराजा जागा हो लोकशाहीचा धागा हो', 'सोडा सगळे काम चला करूया मतदान', '१८ वर्षांचे वय केले पार मतदानाचा घेऊ अधिकार' असे संदेश देणाऱ्या रांगोळ्या काढण्यात आल्या. या उपक्रमास महिलांचा विशेष उत्स्फूर्त प्रतिसाद लाभला.