गुणवडीतील मुस्लिम समाज बांधवांनी केला राष्ट्रवादी कॉंग्रेस पक्षात प्रवेश; अजितदादांना पाठींबा !...
बारामती: बारामती तालुक्यातील गुणवडी येथील असंख्य मुस्लिम बांधव व महिला भगिनींनी अजितदादांना पाठींबा जाहिर करत राष्ट्रवादी कॉंग्रेस पक्षात प्रवेश केला आहे. अजितदादांच्या समन्यायी नेतृत्वावर विश्वास ठेवून आम्ही राष्ट्रवादी कॉंग्रेस पक्षाचं निष्ठापूर्वक काम करण्याचा निर्धार मुस्लिम बांधवांनी केला आहे.
बारामती तालुक्यातील गुणवडी येथे अजितदादा पवार यांच्या प्रचारार्थ ना. अजित पवार यांच्या भगिनी डॉ. रजनी इंदुलकर यांनी ग्रामस्थांची भेट घेतली.. यावेळी गुणवडीतील मुस्लिम बांधवांसह महिलांनी राष्ट्रवादी कॉंग्रेस पक्षात प्रवेश करत अजितदादांना पाठींबा जाहिर केला. आम्ही सर्वजण अजितदादांच्या नेतृत्वावर विश्वास ठेवून राष्ट्रवादी कॉंग्रेस पक्षाचं प्रामाणिकपणे काम करणार आहोत असं यावेळी मुस्लिम बांधवांकडून सांगण्यात आलं. बारामती तालुक्यातील विधानसभा निवडणुकीत उपमुख्यमंत्री अजित पवार यांचं पारडं जड होताना दिसत आहे.
